სასკოლო სპორტული ოლიმპიადა 2025

სამეგრელო-ზემო სვანეთის რეგიონული პირველობა ფრენბურთში

9-10 მარტს, ქალაქ ზუგდიდის სპორტულ დარბაზში, ჩატარდა სასკოლო სპორტული ოლიმპიადა 2025-ის რეგიონული თამაშები ფრენბურთში გოგონათა და ვაჟთა შორის.

პირველი ადგილი დაიკავეს და დასავლეთ საქართველოს თამაშებში გააგრძელებენ ასპარეზობას მელიტონ ქანთარიას სახელობის წალენჯიხის მუნიციპალიტეტის ჯვარის №3 საჯარო სკოლის გოგონათა და მარტვილის მუნიციპალიტეტის წმინდა ამბროსი ხელაიას სახელობის ზოგადსაგანმანათლებლო სკოლის ვაჟთა გუნდები. 

მეორე ადგილზე კი, მესტიის მუნიციპალიტეტის სოფელ ჭუბერის საჯარო სკოლის გოგონათა და ხობის მუნიციპალიტეტის სოფელ ახალი ხიბულის №2 საჯარო სკოლის ვაჟთა გუნდები გავიდნენ.