სასკოლო სპორტული ოლიმპიადა

სასკოლო სპორტული ოლიმპიადა 10 წლისაა.

საქართველოში მოქმედი, მასობრივი სპორტის ყველაზე მასშტაბური პროგრამა „სასკოლო სპორტული ოლიმპიადა“ 10 წლისაა.

სასკოლო სპორტული ოლიმპიადის პირველი თამაშები 2015 წელს გაიმართა.

2015 წლიდან დღემდე, სასკოლო სპორტული ოლიმპიადის პროგრამის ფარგლებში, გაიმართა 72 000 სპორტული შეჯიბრი და მასში მონაწილეობა 500 000-მა მოსწავლემ მიიღო.

სასკოლო სპორტული ოლიმპიადის დასკვნით თამაშებს, სხვადასხვა წლებში, ანაკლიამ, ქუთაისმა, თბილისმა, ოზურგეთმა, ზუგდიდმა და სენაკმა უმასპინძლეს.

სასკოლო სპორტული ოლიმპიადის თამაშებში, ყოველწლიურად, საქართველოს 1800-ზე მეტი საჯარო და კერძო სკოლა ებმება და მათი გოგონათა და ვაჟთა გუნდები, მთელი სასწავლო წლის განმავლობაში, სასკოლო მსოფლიო ჩემპიონატების საგზურებისთვის იბრძვიან.

ამ 10 წლის მანძილზე, სასკოლო სპორტული ოლიმპიადის პროგრამის განხორციელებაში, საქართველოს ბავშვთა და სასკოლო სპორტის ეროვნული ფედერაციის უცვლელი მხარდამჭერები არიან:

• საქართველოს სპორტის სამინისტრო;
• საქართველოს განათლების, მეცნიერებისა და ახალგაზრდობის სამინისტრო;
• აჭარისა და აფხაზეთის ავტონომიური რესპუბლიკების სპორტისა და განათლების კურატორი სამინისტროები;
• სახელმწიფო რწმუნებულების ადმინისტრაციები;
• ყველა მუნიციპალიტეტის მერია;
• საქართველოს ეროვნული ოლიმპიური კომიტეტი.