სასკოლო მსოფლიო ჩემპიონატი - სერბეთი 2026

სასკოლო სპორტის აკადემიის კალათბურთელები სერბეთში, სასკოლო მსოფლიო ჩემპიონატზე მიემგზავრებიან

სასკოლო მსოფლიო ჩემპიონატი კალათბურთში ახლოვდება, რომელიც სერბეთში, ქალაქ ზლატიბორში 13 ივნისს დაიწყება და 22 ივნისამდე გაგრძელდება.

ქართველი მოსწავლე-სპორტსმენები სასკოლო მსოფლიო ჩემპიონატზე 13 ივნისს მიემგზავრებიან, სადაც ისინი საქართველოს სახელით მსოფლიო ჩემპიონობისთვის იბრძოლებენ.

სასკოლო მსოფლიო ჩემპიონატზე ერთმანეთს ვაჟთა 31, ხოლო გოგონათა 29 გუნდი დაუპირისპირდება.

ჩემპიონატი ISF-ისა და FIBA-ს მოქმედი წესებისა და რეგულაციების შესაბამისად წარიმართება.

საქართველოს ბავშვთა და სასკოლო სპორტის ეროვნული ფედერაცია ახალგაზრდა კალათბურთელებს საერთაშორისო ასპარეზზე წარმატებას უსურვებს!